Мадриднинг «Реал» клуби собиқ сардори Даниэль Карвахаль жамоа вингери Винисиус Жуниорга футболка совға қилди. У футболкага футболчига атаб ўз хати ҳамни қолдирган.

Бразилиялик футболчи ижтимоий тармоқларида ушбу футболканинг суратини жойлаштириб, унга «Афсона» деб изоҳ қолдирди.

«Вини, дўстим. Сенга нисбатан алоҳида меҳр-муҳаббат ҳис қиламан. Ҳар доимгидек, майдонда бор кучингни берасан, борингни ишга соласан ва қўлингдан келган барча ишни қиласан. Сен энг яхшисан», — деб ёзган Карвахаль футболкага.

Винисиус 2018 йил ёзидан буён «Реал» шарафини ҳимоя қилиб келмоқда. Футболчи мадридликлар сафига Бразилиянинг «Фламенго» клубидан 45 миллион евро эвазига кўчиб ўтган.

Ўтган мавсумда у «Реал» таркибида 53 та учрашувда майдонга тушиб, 22 та гол урган ва 14 та голли узатма амалга оширган.

6 август куни мадридликлар бразилиялик футболчи билан шартнома 2032 йилга қадар узайтирилганини маълум қилган.