Мемфис Депай «Коринтианс»ни тарк этмоқда. Клубнинг расмий сайтида клуб президенти Осмар Стабиленинг баёноти эълон қилинди. Баёнотда Депай билан шартнома узайтирилмаслиги айтилган. Бу қарор клубнинг баланс ва масъулиятни талаб қиладиган молиявий аҳволини ҳисобга олган ҳолда қабул қилинди.
«Коринтианс» президенти 32 ёшли Депайга миннатдорчилик билдирди. Шу билан бирга, Стабиле нидерландиялик футболчи билан йирик шартнома имзолаш молиявий балансни бузишини таъкидлади. Музокаралар Мемфиснинг алоҳида мақомга эга ўйинчи экани сабабли чўзилиб кетгани қайд этилган.
Мемфис Депай «Коринтианс» шарафини деярли икки йил давомида ҳимоя қилди.
