«Барселона»нинг спорт директори Деку Миланнинг «Интер» клуби ҳужумчиси Лаутаро Мартинеснинг агенти билан учрашув ўтказди.

Учрашув ўтган ҳафтада бўлиб ўтган. Журналист Жерар Ромеронинг таъкидлашича, португалиялик функционер «нерадзурри» сардорининг трансфери қанчалик реал эканини аниқлашга ҳаракат қилган. 28 ёшли футболчи «кўк-анорранглилар» томонидан «Атлетико» категорик равишда сотишдан бош тортаётган Хулиан Альваресга муқобил вариант сифатида кўрилмоқда.

Лаутаро Мартинес 2018 йилдан бери «Интер» шарафини ҳимоя қилиб келмоқда ва унинг амалдаги шартномаси 2028/29 йилги мавсум охиригача мўлжалланган. Transfermarkt портали экспертлари ҳужумчининг қийматини 85 миллион еврога баҳоламоқда.