Унаи Эмери «ПСЖ»га қарши Европа Суперкубоги ўйинигача бўлган йўлини тасвирлаб берди.

«Менинг мураббийлик фаолиятим — доимо яхшироқ бўлишга интилишдан иборат. Илк бор хорижда, Москвада ишлаганимда, бу уйдан узоқда, бошқа мамлакат ва бошқа лигадаги илк тажрибам эди. Албатта, у ерда кўп нарсаларни ўргандим, аммо ўша даврни муваффақиятли деб бўлмайди. У ерда олти ой ишладим. Кейин “Севилья”, сўнг “ПСЖ”ни бошқариш учун йўл олганимда, яна ўзимдаги барча аввалги тажрибадан фойдаланиб, янада яхшироқ бўлишга ҳаракат қилдим.

Парижда икки йил ишладим. Мен бахтли эдим, жуда талабчан бўлдик, совринларни қўлга киритдик, аммо Чемпионлар лигасида олдимизга қўйилган мақсадларга эриша олмадик. Шундан кейин “Арсенал” мен учун шунга ўхшаш яна бир тажриба бўлди. Албатта, у ерда ҳам ўзимни тўлиқ муваффақият қозонгандек ҳис қилмадим, аммо ўша бир йил, менинг назаримда, яхши ўтди.

Кейинги имконият эса шу ерда, “Астон Вилла”да пайдо бўлди. Мен яна ўз тажрибамдан, ўрганган барча нарсаларимдан фойдаланиб, янада яхшироқ бўлишга ҳаракат қилдим» — деди “Астон Вилла” бош мураббийи.