Мишель Платини Матвей Сафонов ва Мануэль Нойерни танқид қилди. У ўтган мавсум Чемпионлар лигаси ярим финалида «ПСЖ» ва «Бавария» ўртасида бўлиб ўтган учрашувни эслади.

Биринчи баҳсда «ПСЖ» ўз майдонида «Бавария»ни 5:4 ҳисобида мағлуб этган. Жавоб ўйини Германияда 1:1 ҳисобида дуранг билан якунланган.

«ПСЖ»нинг «Бавария» устидан 5:4 ҳисобидаги ғалабасидан кейин бу ўйинни “аср учрашуви” деб аташди. Менга эса 1:1 ҳисобида якунланган жавоб баҳси кўпроқ ёқди. Биринчи ўйинда дарвозабонлар катта саҳнага чиқмади, ҳимоячилар эса ундан ҳам ёмонроқ эди. Улар тўққизта гол ўтказиб юборишди, биз эса буни аср учрашуви деб атаймизми? Ҳозир биз ҳақиқатан ҳам шоу-бизнес оламида яшаяпмиз», — деди Платини.