«Манчестер Юнайтед» ўртоқлик учрашувида «Лидс»ни матчдан кейинги пенальтилар сериясида мағлуб этди — 1:1 (пенальтилар бўйича — 5:4).
Асосий вақтда манчестерликлар сафида Жошуа Зиркзее гол урди. «Лидс»нинг жавоб голига эса Брендан Ааронсон муаллифлик қилди.
Матчдан кейинги пенальтилар сериясида Нуссаир Мазрауи ҳал қилувчи зарбани аниқ амалга ошириб, «Манчестер Юнайтед»га ғалаба келтирди.
«МЮ» навбатдаги учрашувини 15 август куни «Милан»га қарши ўтказади. Ушбу баҳс ҳам ўртоқлик мақомида бўлади.
«Лидс» эса 22 август куни Англия Премьер-лигасининг 1-тури доирасида «Ноттингем Форест»га қарши майдонга тушади.
