«Manchester Yunayted» o‘rtoqlik uchrashuvida «Lids»ni matchdan keyingi penaltilar seriyasida mag‘lub etdi — 1:1 (penaltilar bo‘yicha — 5:4).
Asosiy vaqtda manchesterliklar safida Joshua Zirkzee gol urdi. «Lids»ning javob goliga esa Brendan Aaronson mualliflik qildi.
Matchdan keyingi penaltilar seriyasida Nussair Mazraui hal qiluvchi zarbani aniq amalga oshirib, «Manchester Yunayted»ga g‘alaba keltirdi.
«MYU» navbatdagi uchrashuvini 15 avgust kuni «Milan»ga qarshi o‘tkazadi. Ushbu bahs ham o‘rtoqlik maqomida bo‘ladi.
«Lids» esa 22 avgust kuni Angliya Premyer-ligasining 1-turi doirasida «Nottingem Forest»ga qarshi maydonga tushadi.
