Таниқли инсайдер Фабрицио Романо «ПСЖ» вингери Брэдли Барколанинг эҳтимолий трансфери ҳақида янги маълумот берди.

23 ёшли француз футболчисига «Ливерпуль» ҳамон жиддий қизиқиш билдирмоқда. Хабарларга кўра, Барколя Англия клубига ўтишга розилик берган, шахсий шартлар бўйича ҳам келишувга яқинлашилган. Сўнгги маълумотларда ҳам футболчининг «Ливерпуль»га ўтиш учун «яшил чироқ» ёққани қайд этилмоқда.

Чоршанба куни Баркола «Астон Вилла»га қарши УЕФА Суперкубоги баҳсида (2:1) захира ўриндиғида қолди.

«Бугун Барколанинг тана ҳаракатлари кўп нарсани англатиб турарди — гўё у ғалабани нишонлашни истамаётгандек эди. Аввал ҳам айтганимдек, Баркола «Ливерпуль»га ўтишни хоҳлаяпти, шахсий шартлар бўйича келишув деярли тайёр», — деди Романо.

Трансфер инсайдерининг таъкидлашича, энди барчаси икки клуб ўртасидаги музокараларга боғлиқ. Ҳозирча «Ливерпуль» ва «ПСЖ» трансфер суммаси бўйича якуний келишувга эришмаган.

Шу билан бирга, «ПСЖ» ҳужум чизиғини Мика Годтс ва Ферран Торрес билан кучайтирса, Барколанинг Париж клубини тарк этиш эҳтимоли янада ошиши мумкин.