«Манчестер Сити» марказий ярим ҳимоячиси Тижани Рейндерс тез орада Англия клубини тарк этиши мумкин. Нидерландия терма жамоаси аъзоси Саудия Арабистонига кўчиб ўтишга яқин турибди.
Машҳур инсайдер Фабрицио Романонинг ижтимоий тармоқларда хабар беришича, «шаҳарликлар» «Ал-Кадисия» билан трансфер шартлари бўйича келишиб олишган. Эҳтимолий битим суммаси 61 миллион еврога баҳоланмоқда. Энди клублар футболчининг ўзи чиқарадиган қарорни кутишмоқда.
Тижани Рейндерс 2025 йилнинг ёзидан бери «Манчестер Сити» шарафини ҳимоя қилиб келмоқда. Ўтган мавсумда 28 ёшли хавбек барча мусобақалардаги 47 та учрашувда 7 та гол ва 8 та результатив узатма муаллифига айланган.
