"Барселона" ҳимоячиси Пау Кубарси йилнинг энг яхши ёш футболчисига бериладиган Golden Boy-2026 соврини учун даъвогарлар рейтингида биринчи ўринга чиқди. Бу ҳақда Испаниянинг Sport нашри хабар берди.
Янгиланган рейтингда 19 ёшли Кубарси клубдоши Ламин Ямални 700 очкога ортда қолдирмоқда. Ямал мазкур совринни 2024 йилда қўлга киритган эди. Учинчи ўринни Мадриднинг "Реал" клуби янги аъзоси Ян Диоманде эгаллаб турибди.
Энг кўп ёш иқтидор Англия чемпионатида тўпланган — 26 нафар. Топ-100 рейтингда энг кўп футболчига эга клуб эса "Порту" бўлиб, ундан 5 нафар ўйинчи рўйхатга киритилган.
Golden Boy-2026 соврини 26 октябрь куни Лондонда топширилади. Мукофотга 2006 йил ва ундан кейин туғилган, Европанинг энг кучли 25 та чемпионатида тўп тепаётган футболчилар даъвогарлик қилмоқда.
