Нидерландиянинг «Аякс» клуби вингери Мика Годтс яқин орада «Пари Сен-Жермен» футболчисига айланиши мумкин. Бу ҳақда инсайдер Николо Скира хабар бермоқда.
Манбанинг хабар беришича, келишув якуний босқичда турибди. 21 ёшли бельгиялик футболчининг трансфери Чемпионлар лигаси ғолибига 55 миллион еврога тушади. Годтс «ПСЖ» билан 2031 йилгача мўлжалланган меҳнат шартномасини имзолайди. Таъкидланишича, ҳозирда томонлар сўнгги деталларни келишиб олишмоқда. Ушбу трансфер тез орада якунланади.
Янги мавсумда Годтс барча турнирларда тўртта ўйинда майдонга тушиб, битта гол урди ва учта голли узатмани амалга оширди. Ўтган мавсумда эса вингер 44 та беллашувда 17 та гол уриб, 15 та голли узатмага муаллифлик қилган эди.
