Туркиянинг «Галатасарой» клуби Москванинг «Локомотив» жамоасига ярим ҳимоячи Алексей Батраковнинг трансфери бўйича расмий таклиф юборди. Бу ҳақда футбол инсайдери Яғиз Сабунжуўғлу хабар бермоқда.
Журналистнинг таъкидлашича, трансфернинг умумий суммаси 28 миллион еврони ташкил этади. Ушбу маблағнинг 3 миллион евроси бонуслар кўринишида кўзда тутилган. Сабунжуўғлунинг қайд этишича, «Галатасарой» айни дамда таклиф юзасидан «Локомотив»нинг жавобини кутмоқда.
Алексей Батраков — «Локомотив» тарбияланувчиси бўлиб, бутун фаолияти давомида ушбу клуб шарафини ҳимоя қилиб келмоқда. Аввалроқ инсайдерлар футболчининг ўзи клуб раҳбариятидан уни «Галатасарой»га қўйиб юборишларини сўраганини хабар қилишган эди.
