Энтони Гордон янги мавсумни «Эльче»га қарши учрашувда марказий ҳужумчи сифатида бошлаши мумкин. Бунга сабаб — «Барселона» таркибида ҳозирча классик 9-рақамли ҳужумчининг йўқлиги.

Ўтган мавсумда Гордон «Ньюкасл» сафида ўтказган 47 та учрашувининг 16 тасида, яъни 34 фоизида марказий ҳужумчи позициясида ҳаракат қилган. У шу давр мобайнида 9 та гол уришга муваффақ бўлган.

«Барселона» бош мураббийи Ҳанси Флик Гордонни «Базель»га қарши ўйинда ҳам марказий ҳужумчи сифатида синаб кўриши мумкин.

Айниқса, каталонияликлар жорий ёзги трансфер ойнасида фақат битта янги ҳужумчи билан шартнома имзолашга мойил экани ҳисобга олинса, Гордоннинг марказда ўйнаш варианти жамоа учун муҳим ечимлардан бири бўлиши мумкин.