Ярим ҳимоячи Давиде Фраттези «Интер»дан «Лацио»га ўтишни якунлаш учун Римга жўнаб кетди. Бу ҳақда инсайдер Фабрицио Романо хабар бермоқда.

Келишув клублар томонидан тасдиқланган янгиланган шартлар асосида амалга оширилмоқда. Италиялик ярим ҳимоячи аввал 5 миллион евро эвазига ижарага ўтади, «Лацио» эса уни 10 миллион еврога сотиб олиш ҳуқуқига (опциясига) эга бўлади. Бу сотиб олиш мажбурий эмас.

Шунингдек, «Интер» Фраттесининг кейинги сотувидан 50% улушни ўзида сақлаб қолади. Яқин вақт ичида футболчи трансферни якунлаш учун Италия пойтахтига етиб келиши керак.

Ўтган мавсумда Давиде клуб сафида 33 та ўйинда майдонга тушиб, 2 та голли узатмага муаллифлик қилди.