«Спортинг» клуби «Барселона»нинг қизиқиши фонида ҳужумчи Луис Суаресни сотишни режалаштирмаяпти. Бу ҳақда таниқли инсайдер Фабрицио Романо хабар берди.
Аввалроқ Каталония клуби 28 ёшли колумбиялик футболчини ўз трансфер рўйхатига киритгани маълум бўлган эди. Суарес «кўк-анорранглилар» томонидан «Атлетико» форварди Хулиан Альваресга муқобил номзод сифатида кўриб чиқилмоқда. Бироқ «Спортинг» Суаресни жамоанинг асосий ўйинчиларидан бири деб ҳисоблайди ва шу ёзда у билан хайрлашмоқчи эмас.
Романонинг маълумотларига кўра, Лиссабон клуби июнь ойидан бери барча манфаатдор жамоаларга футболчининг шартномасида 80 миллион евро миқдорида товон пули кўрсатилганини маълум қилиб келмоқда.
ОАВда тарқалган хабарларга кўра, «Барселона» бош мураббийи Ханс-Дитер Флик раҳбариятдан «Атлетико»дан Хулиан Альваресни сотиб олиш учун барча имкониятларни ишга солишни сўраган.
