«Милан» бош мураббийи Рубен Аморим вингер Рафаэл Леауни таркибда сақлаб қолишга қарши эмас, аммо агар яхши таклиф тушса, унинг сотилишига тўсқинлик қилмайди. Бу ҳақда Sky Sport нашри хабар бермоқда.
Манбанинг берган маълумотига кўра, «россонери»лар португалиялик футболчи учун молиявий талабларини пасайтиришган — аввалроқ клуб у учун 60 миллион евро сўраган бўлса, эндиликда 40–45 миллион еврога сотишга рози.
Аслида Леаунинг «Милан» билан яна икки йиллик шартномаси мавжуд ва ҳужжатда товон пули 175 миллион евро этиб белгиланган. Бироқ Италия клуби шартнома муддати тугашига бир йил қолганда футболчининг бозор қиймати янада тушиб кетишидан хавотирда ва шу сабабли уни ҳозироқ сотиш имкониятини кўриб чиқмоқда.
Таъкидланишича, шу ёзда Леаунинг ўзи Англия Премьер-лигаси ёки Испания Ла Лигаси клубларидан таклиф кутган, аммо ҳозирча ушбу чемпионатлардан ҳеч қандай расмий таклиф тушмаган.
