«Локомотив» ярим ҳимоячиси Алексей Батраков ва унинг вакиллари «Галатасарой»га ўтиш учун катта маблағдан воз кечишга тайёр.

Инсайдер Иван Карповнинг хабарига кўра, футболчининг шартномасида у сотилганда тушадиган маблағнинг маълум фоизи Батраков ва унинг агентларига тегиши белгиланган. Агар трансфер 25 миллион еврога амалга ошса, уларга 30% — яъни 7,5 миллион евро тегиши керак эди.

Бироқ, «Локомотив» кўпроқ даромад олиши ва клублар келишувга эришиши учун Батраков томони 3,5 миллион евролик фарқдан воз кечишга рози бўлди. Натижада, «Галатасарой» 25 миллион евро тўласа, «Локомотив» 21 миллион евро соф фойда олади.

Футболчи Туркия клуби билан шахсий шартнома шартларини келишиб бўлган ва трансфер яқин орада ҳал бўлиши кутилмоқда.