Футбол клублари таниқли инсайдер Фабрицио Романонинг сўровларига жавоб бермаяпти ва унинг қўнғироқларини эътиборсиз қолдирмоқда.
Баъзи клублар уни анъанавий спорт журналистидан кўра кўпроқ «жонга теккан инфлюенсер» сифатида қабул қилишни бошлаган. Улар Романонинг нозик трансфер музокараларини ёритиш услубидан ва ахборот бериш манерасидан тобора норози бўлишмоқда. Match Corner нашрининг Daily Mail’га таяниб хабар беришича, норози жамоалар орасида «Ньюкасл Юнайтед» ҳам бор.
Эслатиб ўтамиз, Фабрицио Романо трансфер расман эълон қилинишидан сал олдин ўзининг машҳур «Here we go» жумласи билан битим амалга ошганини хабар қилиши билан танилган.
