«Марсель» ярим ҳимоячиси Пьер-Эмиль Хейбьерг клубни тарк этишни хоҳламагани сабабли муаммоларга дуч келди. Daily Mail нашрининг хабар беришича, даниялик футболчи «Ньюкасл»нинг таклифини рад этганидан сўнг сардорлик боғичидан маҳрум қилинган. Француз клуби эгаси Фрэнк Маккорт футболчининг ушбу қароридан «ғазабда».
«Марсель» маошлар қайдномасини қисқартириши керак эди ва Хейбьергни АПЛ клубига сотишга тайёр эди, бироқ келишув барбод бўлди.
Қайд этилишича, футболчига Италиянинг «Милан» клуби томонидан қизиқиш ҳали ҳам сақланиб қолмоқда.
