Франциянинг 6 карра чемпиони «Бордо» клубининг мамлакат 6-лигасига тушириб юборилгани бўйича берган апелляцияси такроран рад этилди. Франция Миллий олимпия қўмитаси жирондаликларнинг миллий даражадаги турнирларга қайтарилиш ҳақидаги сўровига салбий хулоса берди.
Шу тариқа, француз футболининг молиявий регулятори — Назорат ва бошқарув миллий бошқармаси (DNCG) чиқарган қарор ўз кучида қолди. Аввалроқ «Бордо» молиялаштириш кафолатларини ўз вақтида тақдим эта олмаган эди ва эндиликда 6-дивизионда — Янги Аквитания регионал лигаси 1 (B гуруҳи)да ҳаракат қилишга мажбур.
L’Equipe нашри хабарига кўра, тарихий ва номдор клуб банкрот бўлиш арафасида турибди.
