«Барселона» марказий ҳимоячиси Жюль Кунде Европанинг бир нечта топ-клублари эътиборини тортди.

Marca нашрининг хабарига кўра, француз атрофидаги вазиятни «ПСЖ», «Бавария», «Арсенал», «Тоттенхэм» ва бошқа жамоалар кузатиб боришмоқда, бироқ уларнинг ҳеч бири ҳозирча расмий таклиф билан чиққани йўқ.

Энг катта фаолликни «Тоттенхэм» кўрсатаётгани айтилмоқда — лондонликлар 27 ёшли футболчи учун 65 миллион евро тўлашга тайёр. Шунга қарамай, Кунденинг ўзи клубини ўзгартиришга қизиқмаяпти. Бир йил аввал у «Барселона» билан шартномасини 2030 йилнинг ёзига қадар узайтирган эди ва аввалгидек Ханс-Дитер Флик жамоасида қолишни хоҳлайди.

Каталония клуби раҳбарияти ўйинчининг позициясидан хабардор ва ушбу ёзда унинг кетишини кутмаяпти.

Шунга қарамай, «Барселона» спорт раҳбарияти трансфер ойнаси ёпилгунга қадар истисно тариқасида жуда манфаатли таклиф тушса, вазият ўзгариши мумкинлигини истисно этмаяпти. Аммо Кунденинг ўз позицияси ўзгаришсиз қолмоқда — у фаолиятини Каталония клубида давом эттирмоқчи.

27 ёшли ҳимоячи 2022 йилнинг июль ойида «Севилья»дан 50 миллион евро эвазига ўтганидан бери «Барселона» шарафини ҳимоя қилиб келмоқда. Ўтган мавсумда у 47 та ўйинда майдонга тушиб, 3 та гол урди ва 4 та голли узатмага муаллифлик қилди.