«Манчестер Сити» ва Англия терма жамоасининг собиқ ҳимоячиси Жолеон Лескотт Микель Артета бошчилигидаги «Арсенал»ни Англия чемпионатининг янги мавсумида ғолиблик учун асосий даъвогар деб ҳисоблайди. Ўтган мавсумда Артета жамоаси «Сити»ни етти очкога ортда қолдириб, биринчи ўринни эгаллаган эди.

«Ҳозирча башорат қилиш барвақт, аммо фаворит сифатида «Арсенал»ни кўрсатган бўлардим. Асосий омилларни ҳисобга олсак, уларда соврин сари йўлда тўсиқлар камроқ. Артетада жамоа билан ишлашда изчиллик бор, футболчилар эса энди ўз кучларига чин дилдан ишонишмоқда», — деди Лескотт Mirror нашрига берган интервьюсида.

Ёзда «Манчестер Сити»да жиддий ўзгаришлар юз берди. Пеп Гвардиола кетганидан сўнг жамоани Энцо Мареска бошқармоқда. Лескотт клуб тўғри танлов қилди деб ҳисоблайди.

16-август куни «Арсенал» ва «Манчестер Сити» ўзаро Англия Суперкубогини ўйнашади.