«Зенит»нинг собиқ ярим ҳимоячиси Аксель Витсель фаолиятини Франция чемпионатида давом эттириши мумкин.
L’Équipe нашрининг хабар қилишича, «Ницца» 37 ёшли бельгиялик футболчи билан оғзаки келишувга эришди. Томонлар яна бир йилга узайтириш имконияти билан 1 йиллик шартномани муҳокама қилишмоқда. Футболчи душанба куни клуб қароргоҳига етиб келиши кутилмоқда.
Витсель «Жирона»дан кетганидан сўнг эркин агент мақомида бўлиб турган эди. Ўтган мавсумда у Испания чемпионатида 32 та ўйинда майдонга тушган.
«Ницца» ярим ҳимоячиси Лоран Абержель тиззасидаги хочсимон пайлари узилиб, сафдан чиққач, клуб Витсель трансфери бўйича ҳаракатларни жадаллаштирди.
