"Манчестер Сити"нинг Англия Суперкубоги доирасида "Арсенал"га қарши учрашув учун асосий таркиби маълум бўлди. Ўзбекистон миллий жамоаси ҳимоячиси Абдуқодир Ҳусанов баҳсни биринчи дақиқалардан бошлайди.
Энцо Мареска Ҳусановни Рубен Диаш ва Йошко Гвардиол билан бирга ҳимоя чизиғига жойлаштирган. Жамоа сардори вазифасини Диаш бажаради. Дарвозани Жанлуижи Доннарумма қўриқлайди.
Янги харид Эллиот Андерсон ҳам асосий таркибдан жой олган. Ҳужум учлигини Антуан Семеньо, Эрлинг Ҳоланд ва Жереми Доку ташкил этади.
"Манчестер Сити"нинг асосий таркиби:
Доннарумма — Ҳусанов, Диаш (сардор), Гвардиол, О'Райли — Ковачич, Андерсон, Фоден — Семеньо, Ҳоланд, Доку.
"Арсенал" — "Манчестер Сити" баҳси Кардиффдаги "Принсипалити" стадионида ўтказилади. Англия чемпиони "Арсенал" ва Англия кубоги соҳиби "Сити" ўртасидаги учрашув Тошкент вақти билан соат 19:00 да бошланади.
