Мадриднинг «Атлетико» клубига шу ёзда келиб қўшилган даниялик ярим ҳимоячи Мортен Юльманн Лондоннинг «Арсенал» клуби эмблемаси туширилган татуировкаси билан боғлиқ вазиятга ойдинлик киритди.

Кийиниш хонасида жамоадошлари бу борада уни ҳазиллашиб тергашлари ҳақидаги саволга хавбек шундай жавоб берди:

«Йўқ, мен болалигимда «Арсенал» мухлиси бўлганман, лекин энди бу татуировка менда йўқ — у ўтмишимда қолди. Профессионал футболчига айланиб, Австрияга кўчиб ўтганимдан сўнг, мухлисликка бўлган муносабатим ўзгарди, чунки энди майдонда профессионал сифатида тўп суряпман. Шу сабабли бу клубга илгаригидек ишқибозлик қилмайман, чунки энди бу менинг касбим. Аммо ҳа, ўтган мавсумда мақсадга жуда яқин келган эдик ва умид қиламанки, бу мавсумда «Атлетико» билан бирга яна ўша чўққига эриша оламиз».

Эслатиб ўтамиз, ўтган мавсумда «Арсенал» Чемпионлар Лигасининг ярим финалида «Атлетико»ни, ундан олдин эса Юльманн тўп сурган Лиссабоннинг «Спортинг» клубини мусобақадан чиқариб юборган эди.