Португалия терма жамоаси ва Саудия Арабистонининг «Ан-Наср» клуби ҳужумчиси Криштиану Роналду фаолиятини якунлаши мумкинлиги ҳақида фикр билдирди.

«Эҳтимол, бу менинг футболдаги сўнгги йилим бўлади. Мен ортимда катта мерос қолдиришни хоҳлайман», — деди Роналду Vogue нашрига берган интервьюсида.

41 ёшли футболчи ўтган мавсумда «Ан-Наср» сафида барча мусобақаларда 37 та учрашувда иштирок этиб, 30 та гол урди ва 3 та голли узатмани амалга оширди.

2026 йилги жаҳон чемпионатида ҳам Роналду самарали ўйин кўрсатиб, бешта баҳсда уч марта рақиблар дарвозасини ишғол қилди.

Криштиану Роналду фаолияти давомида беш марта Чемпионлар лигаси ғолиби, Европа чемпиони (2016), икки карра Миллатлар лигаси ғолиби бўлган. Шунингдек, у миллий термалар тарихидаги энг кўп гол урган футболчи, Европа чемпионатлари, Чемпионлар лигаси ва клублар ўртасидаги жаҳон чемпионатлари тарихидаги энг яхши тўпурар ҳисобланади.

Бундан ташқари, португалиялик юлдуз беш марта «Олтин тўп» мукофотини қўлга киритган.