Мадриднинг "Реал" клуби бош мураббийи Жозе Моуриньо жамоатчилик олдида кўзи ости кўкарган ҳолда кўриниш берди.

Якшанба куни "Қироллик клуби" Гельзенкирхенда Германиянинг "Шальке 04" жамоасига қарши ўртоқлик учрашуви ўтказиб, 3:0 ҳисобида ишончли ғалабага эришди. Баҳсдан кейин журналистлар португалиялик мутахассисдан юзидаги кўкариш қандай пайдо бўлгани ҳақида сўрашди.

"Машғулот вақтида тўп кўзимга тегди. Балки кўзойнак таққанимда бу кўкариш бўлмасди. Аммо вазият бундан ҳам ёмонроқ бўлиши мумкин эди", — дея Моуриньонинг сўзларини Yahoo Sports келтиради.

"Реал" навбатдаги шанба куни Испания Ла Лигасининг янги мавсуми биринчи турида "Эспаньол"га қарши майдонга тушади.

Учрашув Тошкент вақти билан соат 00:30 да бошланиши режалаштирилган.