Дортмунднинг "Боруссия" клуби ПАОК ярим ҳимоячиси Иоаннис Константелиас трансфери бўйича келишувни якунлади. Бу ҳақда журналист Флориан Плеттенберг хабар берди.

Манба маълумотига кўра, томонлар ўртасида тўлиқ келишувга эришилган ва барча зарур ҳужжатлар имзоланган. 23 ёшли футболчи якшанба куни Дортмундда тиббий кўрикдан муваффақиятли ўтган. У янги клуби билан 2030 йилга қадар мўлжалланган шартнома имзолайди.

Трансфернинг кафолатланган қисми 26 млн еврони ташкил этади. Бундан ташқари, келишувда яна 6 млн еврогача бонуслар кўзда тутилган.

Қайд этилишича, амалда битимнинг умумий қиймати тахминан 29-30 млн еврога етиши кутилмоқда. Шунингдек, ПАОК Константелиас келажакда бошқа клубга сотилса, кейинги трансфер суммасининг 15 фоизини олади.