Мадриднинг "Реал" клуби дарвозабони Тибо Куртуа "Шальке"га қарши 3:0 ҳисобида ғалаба қозонилган ўртоқлик учрашувидан сўнг янги мавсумдан кутилмалари билан ўртоқлашди.

Бельгиялик голкипернинг таъкидлашича, жамоа мавсум стартига жиддий тайёргарлик кўрмоқда ва футболчилар юқори мақсадларга эришиш учун тўлиқ сафарбар бўлган.

"Жамоа жуда жиддий тайёргарлик кўрмоқда. Ҳамма ишга бутунлай берилгани кўриниб турибди. Биз ажойиб мавсум ўтказишга интиляпмиз", — деди Куртуа.

34 ёшли дарвозабон ўтган мавсумда "Реал" сафида 45 та учрашувда майдонга тушиб, ўз дарвозасидан 43 та гол ўтказиб юборган. Шу билан бирга, у 17 та баҳсда дарвозасини дахлсиз сақлашга муваффақ бўлган.