«Олимпиакос» «Болонья» ярим ҳимоячиси Ремо Фройлерни ўз сафига қўшиб олганини расман эълон қилди.

34 ёшли швейцариялик футболчи Пирей клубига эркин агент сифатида ўтди. Томонлар ўртасидаги шартнома муддати ҳозирча маълум қилинмаган.

Фройлер 2023 йилдан буён «Болонья» сафида тўп суриб келаётган эди. У Италия клуби таркибида жами 123 та учрашувда майдонга тушиб, 3 та гол урди ва 5 та голли узатмани амалга оширди.

Швейцариялик ярим ҳимоячи фаолияти давомида «Аталанта», «Ноттингем Форест», «Винтертур», «Люцерн» ва «Грассхоппер» клубларида ҳам ўйнаган.