«Барселона» Жоау Канселуни ўз сафига қўшиб олди. 

Сўнгги маълумотларга кўра, 32 ёшли португалиялик ҳимоячи «Ал-Ҳилол» билан шартномасини бекор қилиб, каталонияликлар сафига эркин агент сифатида қўшилди. Канселу «Барселона» билан икки йиллик шартнома бўйича келишиб олган. Футболчи бу борада фикр билдирди. 

«Мен жуда хурсандман, чунки айнан ўзим хоҳлаган жойимдаман. Бир ҳафта давомида алоҳида машғулот ўтказдим.

Мен маошимнинг бир қисмидан воз кечдим, аммо бу «Барселона»да ўйнаш учун эди, акс ҳолда ҳеч нарса бўлмасди.

Бу жуда ўзига хос клуб. Мен жамоага ёрдам бериш учун келдим ва кўплаб совринларни қўлга киритишга умид қиламан. Биз ажойиб жамоа тузяпмиз», — деди футболчи.