Ўзбекистон миллий жамоаси Аргентинага қарши ўртоқлик учрашуви ўтказиши мумкин. Бу ҳақда Sports.kz хабар берди.
Ўзбекистонлик журналист Нарзулла Сайдуллаев маълумотига кўра, икки терма жамоа ўртасидаги учрашув сентябрь ойи охирида ўтказилиши кутилмоқда. Ҳозирча эҳтимолий баҳснинг аниқ санаси ва қаерда ташкил этилиши ҳақида маълумот берилмаган.
Агар учрашув амалга ошса, у Ўзбекистон миллий жамоаси тарихидаги энг нуфузли ўртоқлик баҳсларидан бири бўлиши мумкин.
Ўзбекистон терма жамоаси шу ёзда ўз тарихида илк бор жаҳон чемпионатида иштирок этди. K гуруҳидан жой олган жамоа Колумбияга 1:3, Португалияга 0:5 ва Конго Демократик Республикасига 1:3 ҳисобида имкониятни бой бериб, мусобақани гуруҳ босқичида якунлади.
Аргентина эса ЖЧ-2026да финалга қадар етиб борди. Амалдаги жаҳон чемпионлари яримфиналда Англияни 2:1 ҳисобида мағлуб этди. Аргентиналиклар ҳал қилувчи голни қўшимча вақтда киритди.
Финалда Аргентина Испанияга қарши баҳс олиб бориб, қўшимча бўлимларда 0:1 ҳисобида мағлуб бўлди. Учрашувнинг 106-дақиқасида Ферран Торрес ғалаба голини урди ва Аргентина жаҳон чемпионатининг кумуш медалларига сазовор бўлди.
