Лондоннинг «Арсенал» клуби «Галатасарoй» ҳужумчиси Виктор Осимхенни ўз сафига қўшиб олиш вариантини кўриб чиқишда давом этмоқда.
Журналист Фуркан Базоглунинг хабар қилишича, «канонирлар» Туркия Суперлигаси грандига хат юбориб, 27 ёшли нигериялик футболчининг трансферига қизиқиш билдиришган. Бироқ Стамбул клуби раҳбарияти лондонликлардан аниқ ва расмий таклиф кутмоқда.
«Галатасарoй» президенти Дурсун Ўзбек форвард учун 130 миллион евродан кам бўлмаган маблағ талаб қилмоқда ва «Арсенал» ушбу молиявий талабдан хабардор.
Маълумот учун, Transfermarkt портали Виктор Осимхеннинг бозор қийматини 75 миллион еврога баҳолаган. Унинг «Галатасарoй» билан амалдаги шартномаси 2029 йилгача мўлжалланган.
