Ўзбекистон Суперлигасининг 18-турида иштирок эта олмайдиган футболчилар рўйхати маълум бўлди. Профессионал футбол лигаси тақдим этган маълумотга кўра, навбатдаги турни жами 14 нафар футболчи ўтказиб юборади.
Энг катта йўқотиш "Андижон" ва "Қўқон-1912" клубларида — ҳар икки жамоадан уч нафардан футболчи навбатдаги баҳсда майдонга тушмайди.
18-турни ўтказиб юборадиган футболчилар:
- "Андижон" — Мартин Боакье, Усмонали Исмоналиев, Муҳаммадкарим Тоиров;
- "Бухоро" — Муҳаммад Йўлдошев;
- "Локомотив" — Алексей Козлов;
- "Насаф" — Жавоҳир Искандаров;
- "Навбаҳор" — Шерзод Жўраев;
- "Нефтчи" — Икромжон Алибоев;
- ОКМК — Азиз Холмуродов;
- "Пахтакор" — Муҳаммадрасул Абдумажидов;
- "Қизилқум" — Достон Турсунов;
- "Қўқон-1912" — Муҳаммадамирхон Қодиров, Одилжон Ғаниев, Жасурбек Ёқубов.
Айниқса, "Андижон" навбатдаги учрашувга сезиларли йўқотишлар билан чиқади. Жамоа 19 август куни сафарда "Машъал"га қарши баҳс олиб боради.
"Қўқон-1912" ҳам бирданига уч футболчисисиз қолади. Қўқонликлар 19 август куни "Бунёдкор" меҳмони бўлади.
Тур доирасидаги дастлабки ўйинлар 18 август куни ўтказилади. Жумладан, "Сўғдиёна" — "Қизилқум" ҳамда "Бухоро" — "Нефтчи" учрашувлари шу кунга белгиланган.
18-тур баҳслари 21 августгача давом этади. "Пахтакор" турнинг сўнгги кунларидан бирида ўз майдонида "Сурхон"ни қабул қилади.
