Кайл Уокер "Манчестер Сити"да ўйнаган даврида Пеп Гвардиола билан юз берган кескин тортишув тафсилотларини ошкор қилди.

Воқеа 2024 йил декабрида "Сити"нинг "Ливерпуль"га 0:2 ҳисобида мағлуб бўлганидан кейин кийиниш хонасида содир бўлган. Уокер мураббий уни бир неча бор алоҳида танқид остига олганидан норози бўлган.

Футболчининг айтишича, ўша пайтда унда Гвардиола уни ҳеч қачон жамоа сардори сифатида кўришни истамагандек таассурот пайдо бўлган.

Гвардиола эса танқидлари шахсан Уокерга эмас, балки жамоанинг тактик хатоларига қаратилганини таъкидлаган. Бироқ Уокернинг сардорлик ҳақидаги гапи мураббийга қаттиқ таъсир қилган.

Гувоҳларнинг айтишича, ўша пайтда Гвардиола ҳиссиётларини зўрға жиловлаган ва ҳатто кўзларига ёш келган.