"Лацио" аргентиналик ҳужумчи Мауро Икардини ўз сафига қўшиш учун ҳаракатларни кучайтирди. Бу ҳақда Жанлука Ди Марцио хабар берди.
Манбага кўра, Рим клуби футболчи томонининг талабларини қондириш учун жиддий ҳаракат қилишга тайёр. Ҳозирча расмий таклиф юборилмаган, аммо томонлар ўртасида алоқалар давом этмоқда ва яқин вақт ичида келишув имконияти аниқлашиши кутилмоқда.
33 ёшли Икарди ҳозир эркин агент ҳисобланади. Унинг "Галатасарой" билан шартномаси якунланган.
Агар трансфер амалга ошса, Икарди 2019 йилда Италияни тарк этганидан кейин А Серияга қайтади. У аввал "Сампдория" ва "Интер" сафида тўп тепган.
"Лацио" Икарди варианти билан бир қаторда Андреа Пинамонти номзодини ҳам кўриб чиқмоқда.
