"Барселона" ярим ҳимоячиси Фермин Лопес жамоа бош мураббийи Ханс-Дитер Флик билан ўртасидаги илиқ муносабатлар ҳақида гапирди.
"Бизда жуда яхши муносабатлар шаклланган. У дастлабки кунларданоқ менга нафақат футбол майдонида, балки унинг ташқарисида ҳам ёрдам берди. Шу икки йил ичида Флик туфайли жуда катта ўсишга эришдим. Унинг қўл остида ўзимни жуда яхши кўрсатяпман", — дея Лопеснинг сўзларини diariARA нашри келтирди.
Флик "Барселона"ни 2024 йилда қабул қилиб олган. У каталонияликлар билан икки марта Испания чемпиони бўлди, шунингдек, мамлакат Кубоги ва икки бор Суперкубокни қўлга киритди.
61 ёшли германиялик мутахассиснинг "Барселона" билан амалдаги шартномаси 2028 йилга қадар мўлжалланган.
