Футбол агенти Жозеп Мария Мингелья 2023 йилда "Барселона" Хулиан Альваресни анча арзон нархда сотиб олиш имкониятига эга бўлганини айтган.

"Мен Хулиан Альваресни "Барселона"га 20 млн еврога таклиф қилгандим. Аммо улар уни рад этиб, Ферран Торресни 60 млн еврога сотиб олишди", — деган Мингелья.

Альварес кейинчалик "Манчестер Сити" сафида ўзини кўрсатиб, Англия клуби билан бир қатор йирик совринларни қўлга киритди. 2024 йилда эса у "Атлетико Мадрид"га ўтди.

Ферран Торрес эса "Барселона"га 2022 йил январда "Манчестер Сити"дан келиб қўшилганди.

Мингельянинг ушбу гаплари Альвареснинг "Барселона" билан яна трансфер миш-мишларида тилга олинаётган бир пайтда қайтадан эътибор марказига чиқди.