"Тоттенхэм" дарвозабони Гульельмо Викарио фаолиятини "Ювентус"да давом эттиради.
Инсайдер Фабрицио Романонинг маълум қилишича, италиялик футболчи Турин клуби билан шартнома имзолаб бўлган. 29 ёшли голкипер "Ювентус"га бепул ижара асосида ўтмоқда.
Келишувга Викариони 8 миллион евро эвазига сотиб олиш имконияти киритилган, бироқ бу мажбурий шарт эмас. Шунингдек, трансфер доирасида яна 2 миллион евро миқдорида бонуслар ҳам кўзда тутилган.
Викарио 2023 йилдан буён "Тоттенхэм" шарафини ҳимоя қилиб келмоқда. У Лондон клуби сафида барча мусобақалар доирасида жами 117 та учрашувда майдонга тушган.
Шунингдек, 29 ёшли дарвозабон Италия миллий жамоаси таркибида 5 та ўйин ўтказган.
