"Милан" ярим ҳимоячиси Самуэле Риччи фаолиятини "Комо"да давом эттириши мумкин.
Инсайдер Фабрицио Романонинг маълум қилишича, Италия клублари 24 ёшли футболчининг эҳтимолий трансфери бўйича тўғридан-тўғри музокара олиб бормоқда. Ҳозирча асосий масала келишув формати бўлиб турибди.
"Комо" Риччини ижарага олиш вариантини кўриб чиқмоқда. "Милан" эса футболчини тўлиқ сотиш ёки кейинчалик мажбурий харид қилиш шарти билан ижарага беришни афзал кўрмоқда.
Риччининг ўзи "Комо"га ўтишга тайёр. Томонлар шахсий шартнома шартлари бўйича осон келишиб олиши кутилмоқда.
Самуэле Риччи 2025 йил ёзида "Торино"дан тахминан 25 миллион евро эвазига "Милан"га ўтган эди.
