"Кристал Пэлас" расмий сайти орқали "Реал Солт-Лейк" ярим ҳимоячиси Зейвиер Гозони ўз сафига қўшиб олганини эълон қилди. 19 ёшли америкалик футболчи клуб билан беш йиллик шартнома имзолади. Трансфер халқаро рухсат олинганидан сўнг кучга киради.
"Мен Премьер-лигада "Кристал Пэлас" сафида ўйнашни жуда хоҳлайман. Бу ҳар қандай футболчининг орзуси. Бу ерда ишлаётган инсонлар ва клубнинг лойиҳаси менга катта мотивация беради. Мен клуб ҳақида кўп маълумот олдим ва жамоанинг сўнгги муваффақиятлари ҳам уни мен учун алоҳида клубга айлантиради", — деди Гозо.
Гозо ёзги трансфер ойнасида "Кристал Пэлас" сафига қўшилган олтинчи янги футболчи бўлди. Ундан аввал клуб Оскар Мингеса, Такэхиро Томиясу, Дуайт Макнил, Эванн Гессан ва Анан Халилини трансфер қилган эди.
