Яқинда "Барселона"га ўтган ярим ҳимоячи Родри Эрнандес Мадриднинг "Атлетико" клуби ҳужумчиси Хулиан Альварес ҳақидаги саволга жавоб берди.

Испаниялик ва аргентиналик футболчилар 2022 йилдан 2024 йилгача "Манчестер Сити" сафида бирга тўп тепишган. "Барселона" ҳали ҳам Альваресни ўз сафига қўшиб олишга қизиқмоқда, аммо "Атлетико" ҳужумчиси билан хайрлашиш ниятида эмас.

"Бошқа жамоалар футболчилари ҳақида гап кетганда, фикр билдиришда эҳтиёткор бўлишга ҳаракат қиламан. Хулиан — энг яхши ҳужумчилардан бири. У исталган жамоани кучайтира олади, аммо ҳозир у "Атлетико" футболчиси.

Мен бу клубга жуда катта ҳурмат билан қарайман. Ишончим комилки, Деку ва директорлар кенгаши "Барселона" таркибини кучайтириш учун қўлларидан келган барча ишни қилишади", — дея 30 ёшли ярим ҳимоячининг сўзларини ESPN Argentina келтиради.

Родри 2018 йилдан 2019 йилгача "Атлетико" шарафини ҳимоя қилган, шундан сўнг "Манчестер Сити"га ўтган.