Жорий ёздан Мадриднинг «Реал» клубини бошқараётган Жозе Моуриньо жамоа сўнгги йилларда дуч келган муаммолар ҳақида фикр билдирди.

«Қаймоқранглилар» сўнгги икки мавсумни муваффақиятсиз ўтказди ва бу ҳолат клуб президенти Флорентино Пересни португалиялик мутахассисни яна жамоага қайтаришга ундади.

«Ўтган мавсумда содир бўлган воқеаларга баҳо бериш менинг ишим эмас. Бу барча учун ғалати ва мураккаб мавсум бўлди. Ғалаба ҳам, мағлубият ҳам кўплаб омилларга боғлиқ.

Биринчи куниёқ айтганимдек, барча муаммоларда фақат айримларни айблаб, бошқаларни эса фақат олқишлашларига йўл қўймайман.

Жуда кўп хатоларга йўл қўйилди ва муваффақиятсизликлар айнан шу билан боғлиқ. Клубда кўпчилик хато қилди — гап фақат футболчилар ва мураббийлар ҳақида эмас», — деди Моуриньо El Chiringuito нашрига берган интервьюсида.

Португалиялик мутахассиснинг «Реал» билан шартномаси 2029 йилга қадар амал қилади.