«Милан» ярим ҳимоячиси Кристофер Нкунку Италия клубини тарк этишга яқин. Бу ҳақда Foot Mercato хабар бермоқда.

Манба маълумотига кўра, 28 ёшли франциялик футболчини Дортмунднинг «Боруссия»си, «Ньюкасл» ва «Лейпциг» ўз сафига қўшиб олишга қизиқиш билдирмоқда. Нкунку эса Саудия Арабистони ва Туркия клубларига ўтиш вариантларини ҳозирча кўриб чиқмаяпти.

Футболчининг «Милан» билан амалдаги шартномаси 2030 йилга қадар мўлжалланган. Transfermarkt портали унинг трансфер қийматини 25 миллион еврога баҳоламоқда.

Нкунку ўтган ёзда «Челси»дан «Милан»га кўчиб ўтган эди. У «россонери» сафида 35 та учрашувда майдонга тушиб, 8 та гол урди ва 3 та голли узатмани амалга оширди.