«Барселона» қанот ҳимоячиси Жоау Канселу билан шартнома имзолаганини расман эълон қилиш учун бироз кутишига тўғри келади.

Jijantes маълумотига кўра, каталонияликлар португалиялик футболчи билан шартнома шартлари бўйича келишувга эришган. Бироқ унинг расмий тақдимоти чоршанба куни Мисрнинг «Ал-Аҳли» клубига қарши ўтказиладиган Гампер кубоги баҳсигача бўлиб ўтмайди.

Манба таъкидлашича, трансфернинг ўзида ҳеч қандай муаммо йўқ. Кечикиш кичик бюрократик масалалар билан боғлиқ ва ўтиш расман кейинроқ эълон қилинади.

Жоау Канселу «Ал-Ҳилол» билан шартномасини бекор қилиш шартлари бўйича ҳам келишиб олган. 32 ёшли футболчи «Барселона»га эркин агент сифатида қўшилади.

Сешанба куни каталонияликлар ярим ҳимоячи Родри трансферини расман эълон қилган эди.