«Милан»нинг 40 ёшли ярим ҳимоячиси Лука Модрич Италия клуби билан шартномасини узайтиришга нега қарор қилганини тушунтирди.
«Ўтган мавсумнинг исталган пайтида, ҳатто декабрь ойида ҳам шартномани яна бир йилга узайтиришим мумкин эди. Аммо аввало танамни тинглашни, ўзимни қандай ҳис қилаётганимни, футбол ўйнаш истагим қай даражада кучли эканини ва ўйинга бўлган иштиёқимни тушунишни хоҳладим», — дея Модричнинг сўзларини келтиради Cadena SER.
Модрич 2025 йил ёзида «Милан» сафига қўшилган. Шу вақт давомида у барча мусобақаларда 37 та ўйинда майдонга тушиб, 2 та гол урган ва 3 та голли узатмани амалга оширган.
23 июль куни Италия клуби 40 ёшли футболчи билан шартномани яна бир йилга узайтирганини расман эълон қилди.
Модрич бунга қадар 2012 йилдан 2025 йилгача Мадриднинг «Реал» клуби шарафини ҳимоя қилган.
