Португалия ёшлар терма жамоасининг ҳужумкор ярим ҳимоячиси Родригу Мора Италиянинг «Рома» клуби футболчисига айланди. Бу ҳақда Рим клубининг расмий сайти хабар берди.
«Рома» 19 ёшли футболчи билан имзоланган шартнома муддатини очиқламаган. Аввалроқ матбуотда Мора Италия клуби билан 2031 йил ёзига қадар мўлжалланган келишув имзолаши ҳақида хабарлар тарқалган эди.
Португалиялик футболчи «жаллоросси» сафида 86-рақам остида тўп тепади.
Ўтган мавсумда Мора барча мусобақалар доирасида 44 та учрашувда майдонга тушиб, 5 та гол урди ва 2 та голли узатмани амалга оширди.
А Сериянинг янги мавсуми 22 август куни «Интер» — «Монца» учрашуви билан старт олади.
