"Челси"нинг аргентиналик ярим ҳимоячиси Энцо Фернандес клубда қолиши мумкин.
TEAMtalk хабарига кўра, "Манчестер Сити" футболчи учун 140 миллион евро тўламаслигини аниқ билдирган. Манба маълумотига қараганда, "шаҳарликлар" Энцо трансфери учун Эллиот Андерсон харидига сарфланган 135 миллион евродан ортиқ маблағ ажратиш ниятида эмас.
Қайд этилишича, Энцо Фернандеснинг ўзи "Манчестер Сити"га ўтишдан манфаатдор. Бироқ "Челси"нинг трансфер суммаси борасидаги қатъий позицияси келишув йўлидаги асосий тўсиқ бўлиб турибди.
Ўтган мавсумда 25 ёшли ярим ҳимоячи барча мусобақалар доирасида 54 та ўйинда майдонга тушиб, 15 та гол урди ва 7 та голли узатмани амалга оширди.
