"Chelsi"ning argentinalik yarim himoyachisi Enso Fernandes klubda qolishi mumkin.
TEAMtalk xabariga ko‘ra, "Manchester Siti" futbolchi uchun 140 million yevro to‘lamasligini aniq bildirgan. Manba ma’lumotiga qaraganda, "shaharliklar" Enso transferi uchun Elliot Anderson xaridiga sarflangan 135 million yevrodan ortiq mablag‘ ajratish niyatida emas.
Qayd etilishicha, Enso Fernandesning o‘zi "Manchester Siti"ga o‘tishdan manfaatdor. Biroq "Chelsi"ning transfer summasi borasidagi qat’iy pozisiyasi kelishuv yo‘lidagi asosiy to‘siq bo‘lib turibdi.
O‘tgan mavsumda 25 yoshli yarim himoyachi barcha musobaqalar doirasida 54 ta o‘yinda maydonga tushib, 15 ta gol urdi va 7 ta golli uzatmani amalga oshirdi.
