"Барселона"нинг собиқ сардори Карлес Пуйоль ўзи ўйнаган барча "Эл-Класико"лар орасида энг севимлисини таъкидлади. Пуйоль 2009 йил май ойида "кўк-анорранглилар"нинг "Сантьяго Бернабеу"да "Реал"ни 6:2 ҳисобида мағлуб этганини эслади.

"Мен кўплаб "Эл-Класико"ларда ўйнаш бахтига муяссар бўлганман, аммо Мадриддаги 6:2 ҳисобидаги ғалаба мен учун энг яхши эсда қолган мавсум. Бу қийин мавсум эди, Гвардиоланинг биринчи мавсуми. Биз биринчи бўлимни яхши ўтказдик, аммо кейин "Реал Мадрид" фарқни камайтирди. Тўртта ўйин қолганида, биз "Реал Мадрид"дан тўрт очко олдинда эдик. Кейин биз ўз майдонида ажойиб ғалабани қўлга киритдик, бу эса деярли чемпионликни таъминлади", деди Пуйоль.

Шуни таъкидлаш керакки, Карлес Пуйоль ўша "Эл-Класико"да гол урган.